5040 Views
કેસુડાંની કળીએ બેસી ફાગણીયો લહેરાયો આ એક સરસ મઝાનું ફાગણ ગીત છે. હોળીનાં તહેવાર પર ઘેરૈયાઓ કેસુડાંના રંગથી એકબીજાને રંગીને આનંદમાં ગુલતાન થઇ જાય છે. Holi song, હોળી ગીત, Holi status.
કેસુડાંની કળીએ બેસી ફાગણીયો લહેરાયો
કેસૂડાંની કળીએ બેસી
ફાગણીયો લહેરાયો.
આવ્યો ફાગણિયો… રૂડો ફાગણિયો..
કેસૂડાંની…
રંગ ભરી પિચકારી ઊડે,
હૈયે હરખ ન માયો.
અબીલ-ગુલાલ ગગનમાં ઉડે… (૨)
વ્રજમાં રાસ રચાયો…
આવ્યો ફાગણિયો… રૂડો ફાગણિયો…
કેસૂડાંની….
લહર લહર લહરાતો ફાગણ
ફૂલડે ફોરમ લાયો.
કોકિલ કંઠી કોયલડીએ… (૨)
ટહુકી ફાગ વધાયો.
આવ્યો ફાગણિયો, રૂડો ફાગણિયો…
કેસૂડાંની…
પાને પાને ફૂલડાં ધરિયાં,
ઋતુ રાજવી આયો.
સંગીતની મહેફિલો જામી… (૨)
વસંત-બહાર ગવાયો.
હો આવ્યો ફાગણિયો… રૂડો ફાગણિયો.
કેસૂડાંની…..
રંગોની ઉજાણી ઊડે,
કેસૂડો હરખાયો,
ચેતનના ફુવારા છૂટયા… (૨)
હોરી ધૂમ મચાયો..
આવ્યો ફાગણિયો. રૂડો ફાગણિયો…
કેસૂડાંની કળીએ બેસી
ફાગણીયો લહેરાયો.
આવ્યો ફાગણિયો… રૂડો ફાગણિયો..
✍નટુભાઈ બરાનપુરીયા
હોળી ગીત, Holi song, Holi song mp3, Holi shayri , Holi status, કેસુડાં વિશે જાણવા જેવુ. Kesudani kalie besi faganiyo laherayo, avyo faganiyo.
Pingback: બાળગીત lyrics 7 વિસરાઇ ગયેલા બાળગીતો - AMARKATHAO