101 લગ્ન ગીત સંગ્રહ | Lagna geet collection pdf

4927 Views

લગ્ન ગીતનો ખજાનો એક જ પોસ્ટમાં અમરકથાઓમાં 101 લગ્ન ગીત સંગ્રહ મુકી રહ્યા છીએ જેમા ગણેશ સ્થાપના ગીત, સાંજીના ગીત, કંકોતરી લખવાના ગીત, માંડવાનાં ગીત, ફટાણાં, કન્યા વિદાય ગીત, દેશી લગ્ન ગીત, લગ્ન ગીત વિદાય, લગ્ન ગીત MP3, પ્રાચીન લગ્ન ગીત, લગ્ન ગીત લખેલા, લગ્ન ગીત pdf, લગ્ન ગીત ફટાણા, મામેરા ના લગ્ન ગીત, લગ્ન ગીત lyrics, લગ્ન ગીત જૂના, ગુજરાતી લગ્ન ગીત, ગુજરાતી લગ્ન ગીત lyrics, ગુજરાતી લગ્ન ગીત mp3, લગનનાં ગીત, લગ્ન ગીત MP3 downland, Best vivah song.

👉 ગણેશ સ્થાપના ના ગીત 1 થી 10 નંબરનાં ગીત આગળનાં ભાગમાં મુક્યા છે. જે વાંચવા માટે અહી ક્લીક કરો. આ ભાગ 2 છે. – ગણેશ સ્થાપના ગીત ભાગ ભાગ 1

અમારી Youtube ચેનલની મુલાકાત લેવા માટે – https://www.youtube.com/@-amarkatha2326

લગ્ન ગીત સંગ્રહ ભાગ 2

દાદા એને ડગલે ડગલે બાવળ રોપાવો રે

(સાંજીનું ગીત) Dada ene dagle dagle

દાદા એને ડગલે ડગલે બાવળ રોપાવો રે
દાતણ કરશે બાળાવરની જાન રે

દાદા એને ડગલે ડગલે સરોવર ખોદાવો રે
નાવણ કરશે બાળાવરની જાન રે

દાદા એને ડગલે ડગલે કંદોઈ બેસાડો રે
ભોજન કરશે બાળાવરની જાન રે

દાદા એને ડગલે ડગલે તંબોળી બેસાડો રે
મુખવાસ કરશે બાળાવરની જાન રે

દાદા એને ડગલે ડગલે ઢોલિયા ઢળાવો રે
પોઢણ કરશે બાળાવરની જાન રે

દાદા એને ડગલે ડગલે મેડીઓ ચણાવો રે
ઉતારા કરશે બાળાવરની જાન રે

બાગમાં છંટાવો કાજુ કેવડો

(સાંજીનું ગીત) Bag ma chhantavo kaju kevdo

બાગમાં છંટાવો કાજુ કેવડો
વાડીમાં રોપાવો નાગરવેલ રે
છંટાવો કાજુ કેવડો

છગનભાઈનો કુંવર કાજુ કેવડો
મગનભાઈ વેવાઈની નમણી નાગરવેલ રે
છંટાવો કાજુ કેવડો
amarkathao
કેવડિયે તે લાગ્યાં ઝાઝાં ફૂલડાં
ફૂલ એટલાં જમાઈરાજનાં મૂલ રે
છંટાવો કાજુ કેવડો

કેવડિયે તે આવ્યાં નવલાં પાંદડાં
પાન એટલાં વહુરાણીનાં માન રે
છંટાવો કાજુ કેવડો

સવિતાબેનનો જન્મેલ કાજુ કેવડો
કવિતાબેન વેવાણની નમણી નાગરવેલ રે
છંટાવો કાજુ કેવડો

ગામને ગોંદરે બે નાળિયેરી

(સાંજીનું ગીત) Gaam ne Gondre be Naliyeri

માંગરોળ ગામને ગોંદરે બે નાળિયેરી
ત્યાં રૂડી બજાર ભરાય બે નાળિયેરી

શેઠ છગનભાઈ સેલાં સાટવે બે નાળિયેરી
ગોરા મારે સવિતાવહુને કાજ બે નાળિયેરી

ઓઢો સવિતાવહુ પાતળાં બે નાળિયેરી
હાલો ચાલો માંડવડાં વચાળ બે નાળિયેરી

મારા મગનભાઈ સાડી સાટવે બે નાળિયેરી
ગોરા મારે કવિતાભાભીને કાજ બે નાળિયેરી

ઓઢો કવિતાભાભી પાતળાં બે નાળિયેરી
હાલો ચાલો માંડવડાં વચાળ બે નાળિયેરી

નદીને કિનારે રાયવર પતંગ ઉડાડે

(સાંજીનું ગીત) Nadi ne kinare rayvar

નદીને કિનારે રાયવર પતંગ ઉડાડે,

આવ્યો વાયરાનો ઝોલો, તૂટ્યો પતંગનો દોરો,

દોરો સંધાવીને રાયવર પતંગ ઉડાડે,

નદીને કિનારે રાયવર પતંગ ઉડાડે.

દોશીડાને હાટે વીરો ચૂંદડિયું મૂલવે,

પહેરો નાની વહુરાણી, લાવ્યો તમારો સ્વામી,

દોરો સંધાવીને રાયવર પતંગ ઉડાડે,

નદીને કિનારે રાયવર પતંગ ઉડાડે.

મણિયારાને હાટે વીરો ચૂડલો મૂલવે,

પહેરો નાની વહુરાણી, લાવ્યો તમારો સ્વામી,

દોરો સંધાવીને રાયવર પતંગ ઉડાડે,

નદીને કિનારે રાયવર પતંગ ઉડાડે.

સોનીડાને હાટે વીરો હારલા મૂલવે,

પહેરો નાની વહુરાણી, લાવ્યો તમારો સ્વામી,

દોરો સંધાવીને રાયવર પતંગ ઉડાડે,

નદીને કિનારે રાયવર પતંગ ઉડાડે.

કડી કેસરનો વીરો કડલો તે મૂલવે,

પહેરો નાની વહુરાણી, લાવ્યો તમારો સ્વામી,

દોરો સંધાવીને રાયવર પતંગ ઉડાડે,

નદીને કિનારે રાયવર પતંગ ઉડાડે.

આવ્યો વાયરાનો ઝોલો, તૂટ્યો પતંગનો દોરો,

દોરો સંધાવીને રાયવર પતંગ ઉડાડે,

નદીને કિનારે રાયવર પતંગ ઉડાડે. 

ગુલાબવાડી ચૌટામાં રોપાવો રે

(સાંજીનું ફટાણુ) Gulabvadi

ગુલાબવાડી ચૌટામાં રોપાવો રે
ચારે કંકોતરી ચારે દિશ મોકલાવો રે

પહેલી કંકોતરી સૂરત શે’ર મોકલાવો રે
સવિતાબેન તમે વેગે વેલા આવો રે
નાના મોટાને સાથે તેડી લાવો રે
સવિતાબેન ચલાવે સુંદર મોટી ગાડી રે
મોહન જમાઈને પાડાની અસવારી રે

ગુલાબવાડી ચૌટામાં રોપાવો રે
ચારે કંકોતરી ચારે દિશ મોકલાવો રે

બીજી કંકોતરી અમદાવાદ મોકલાવો રે
આનંદીકાકી તમે વેગે વેલા આવો રે
નાના મોટા સૌને સાથે તેડી લાવો રે
આનંદીકાકીને રેલગાડીની સવારી રે
કાકા સાઈકલ પેડલ મારતા આવે રે

ગુલાબવાડી ચૌટામાં રોપાવો રે
ચારે કંકોતરી ચારે દિશ મોકલાવો રે

ત્રીજી કંકોતરી મુંબઈ શે’ર મોકલાવો રે
મીઠીમાસી તમે વેગે વેલા આવો રે
નાના મોટા સંધાયને તેડી લાવો રે
મીઠીમાસીને વિમાનની સવારી રે
માસા કરે ઊંટીયાની અસવારી રે

ગુલાબવાડી ચૌટામાં રોપાવો રે
ચારે કંકોતરી ચારે દિશ મોકલાવો રે

ચોથી કંકોતરી સોનગઢ ગામ મોકલાવો રે
વેવાઈ-વેલા સૌ તમે વેગે વેલા આવો રે
કટમ્બ કબીલાને હારે તેડી લાવો રે
બાઈયું બેઠી ગાડે મલપતી આવે રે
મૂછાળા સૌ પાછળ દોડતા આવે રે

ગુલાબવાડી ચૌટામાં રોપાવો રે
ચારે કંકોતરી ચારે દિશ મોકલાવો રે

ભાદર ગાજે છે – ફટાણુ

(સાંજીમાં ગવાતું ફટાણું) Bhadar gaje – Fatanu

આવી આવી ભાદરવાની રેલ કે ભાદર ગાજે છે

એમાં મનુ તણાતો જાય કે ભાદર ગાજે છે

નાખો નાખો કનુભાઈ દોર કે ભાદર ગાજે છે

તાણો તાણો તો તૂટી જાય કે ભાદર ગાજે છે

આવ્યું આવ્યું ભવાયાનું તેડું રે એમાં મનુને રમવા મેલોને

એને નાકે ઓલી નથડી પહેરાવો પછી મનુને રમવા મેલોને

એને ઘમઘમતો ઘાઘરો ઘાલો રે પછી મનુને રમવા મેલોને

એને તગતગતું કાપડું ચડાવો રે પછી મનુને રમવા મેલોને

આવ્યું આવ્યું ભવાયાનું તેડું રે એમાં મનુને રમવા મેલોને

વાણલાં ભલે વાયાં રે – પ્રભાતીયુ

(પ્રભાતિયુ) Vanala vaya re – Prabhatiyu

સૂરજ ઊગ્યો રે કેવડિયાંની ફણસે
કે વાણલાં ભલે વાયાં રે

સૂતા જાગો રે વાસુદેવના નંદ
કે વાણલાં ભલે વાયાં રે

સૂતા જાગો રે સુભદ્રા બેનીના વીર
કે વાણલાં ભલે વાયાં રે

તમે જાગો રે જાગે સહુ દેવ
કે વાણલાં ભલે વાયાં રે

લેજો લેજો રે દાતણ ને ઝારી
કે વાણલાં ભલે વાયાં રે

બેસજો બેસજો તુલસીને ક્યારે
કે વાણલાં ભલે વાયાં રે
amarkathao
મુખ લૂજો રે પામરિયુંને છેડે
કે વાણલાં ભલે વાયાં રે

લેજો લેજો શરી રામનાં નામ
કે વાણલાં ભલે વાયાં રે

લીલુડા વનનો પોપટો

(પ્રભાતિયુ – ફટાણું ) Liluda van no popto

મારે તે આંગણે આંબો મ્હોરિયો,   

આંબલિયાના બહોળા તે પાન કે લીલુડા વનનો પોપટો.

ત્યાં બેસી પોપટ રાણો ટહુકિયા,   

જગાડ્યા ત્રણે ય વીર કે લીલુડા વનનો પોપટો.

મેડિયું માયલા મોટાભાઈ જાગિયા,    

અમારી મોટી તે વહુના કંથ કે લીલુડા વનનો પોપટો.

ઓરડા માયલા વચેટભાઈ જાગિયા,  

અમારી વચલી તે વહુના કંથ કે લીલુડા વનનો પોપટો.

ઓસરી માયલા નાનાભાઈ જાગિયા,  

અમારી નાની તે વહુના કંથ કે લીલુડા વનનો પોપટો.

ત્રણેએ તો જાગીને શું કરીયું ?   

રાખ્યો મારા માંડવડાનો રંગ કે લીલુડા વનનો પોપટો.

મારે તે આંગણે લીમડો ફાલિયો,    

લીમડાના પાંખેરાં પાન કે લીલુડા વનનો કાગડો !

ત્યાં બેસીને કાગો રાણો કળકળ્યા,   

ઓટલે સૂતા જમાઈ જાગિયા, લીલુડા વનનો કાગડો !

જાગીને જમાઈએ શું કરીયું ?   

જાગી ઠાલાં ફડાકા મારિયા, લીલુડા વનનો કાગડો !

હેતે લખીએ કંકોતરી રે

Hete Lakhie kankotari re (લગન લખતી વખતે કુળદેવીને નિમંત્રણ)

હેતે લખીએ કંકોતરી રે લોલ, હેતે લખીએ કંકોતરી રે લોલ,

લખીએ રૂડાં કુળદેવીનાં નામ કે કુળદેવી માત વેલા આવજો રે લોલ,

હે તમે કુળદેવી માત વેલા આવજો રે લોલ.

અવસર આવ્યો છે રૂડો આંગણે રે લોલ

લગનના કંઈ વાગે રૂડા ઢોલ જો કુળદેવી માત વેલા આવજો રે લોલ,

હે તમે કુળદેવી માત વેલા આવજો રે લોલ

સુખડના મંડપ રોપાવિયા રે લોલ,

બાંધ્યાં બાંધ્યાં લીલુડા તોરણ જો કુળદેવી માત વેલા આવજો રે લોલ,

હે તમે કુળદેવી માત વેલા આવજો રે લોલ.

આવીને અવસર ઉજાળજો રે લોલ,

બાલુડાંને આપજો આશિષ કે કુળદેવી માત વેલા આવજો રે લોલ,

હે તમે કુળદેવી માત વેલા આવજો રે લોલ.

સોના વાટકડીમાં કંકુ ઘોળાવો

(લગન લખતી વખતે ગવાતુ ગીત) sona vatakdi

સોના વાટકડીમાં કંકુ ઘોળાવો નર ને નાર રે,

ઊડતો ઊડતો જિયાવર પોપટ બેઠો તોરણે.

સજજો રે ઘરની મેનાને શણગાર રે,

ઊડતો ઊડતો જિયાવર પોપટ બેઠો તોરણે.

સોના વાટકડીમાં કંકુ ઘોળાવો નર ને નાર રે,

ઊડતો ઊડતો જિયાવર પોપટ બેઠો તોરણે.

અક્ષર અક્ષર પરોવતા મંગળતા કોતરી,

કંકુ છાંટીને આજ લખી રે કંકોતરી.

તેડાવો રે મંગલ ગીતો ગાતાં નર ને નારને,

ઊડતો ઊડતો જિયાવર પોપટ બેઠો તોરણે.

કંકુને પગલે પગલે પ્રભુતા પગ માંડશે,

જીવનના સાથિયામાં ઇન્દ્રધનુ જાગશે.

રેલાવો રે રંગોળીમાં રંગ ધાર રે,

ઊડતો ઊડતો જિયાવર પોપટ બેઠો તોરણે.

સોના વાટકડીમાં કંકુ ઘોળાવો નર ને નાર રે,

ઊડતો ઊડતો જિયાવર પોપટ બેઠો તોરણે.

👉 Gujarati Lagna Geet part 1 (ગુજરાતી લગ્નગીતોનો ખજાનો 1 )

👉 Gujarati Lagna Geet part 2 (ગુજરાતી લગ્નગીતો લખાણ સાથે ભાગ 2)

👉 Gujarati Lagna Geet part 3 (ગુજરાતી લગ્નગીતો લખાણ સાથે ભાગ 3)

👉 Gujarati Lagna Geet part 4 (ગુજરાતી લગ્નગીતો લખાણ સાથે ભાગ 4)

👉 Gujarati Lagna Geet lyrics Part 5 (ગુજરાતી લગ્નગીતો લખાણ સાથે ભાગ 5)

👉 બેસ્ટ ગુજરાતી પ્રાચીન ગરબા કલેક્શન

👉 Best New Non stop garba 2022

👉 ગોરમા ના ગીત કલેક્શન

🌺 નીચેનાં ગીતો આગળના ભાગમાં મુકવામાં આવશે…

૨૧ કંકુ છાંટી કંકોતરી મોકલો-૧ (લગન લખતી વખતે ગવાતું ગીત)
૨૨ માણેકથંભ રોપિયો (માણેકથંભ રોપતી વખતે ગવાતું ગીત)
૨૩ મારો માંડવો રઢિયાળો (વરપક્ષે મંડપ મૂરત)
૨૪ મોટા માંડવડા રોપાવો (મંડપ મૂરત)
૨૫ લીલા માંડવા રોપાવો (મંડપ મૂરત)
૨૬ વધાવો રે આવિયો (ચાક વધાવવાનું ગીત)
૨૭ ઓઝો ઓઝો રે (ચાક વધાવવાનું ગીત)
૨૮ વરને પરવટ વાળો (ફુલેકાનું ગીત)
૨૯ વર છે વેવારિયો રે (કન્યાપક્ષે માળારોપણ)
૩૦ મોતી નીપજે રે (વરપક્ષે માળારોપણ)

૩૧ પીઠી ચોળોને પંચકલ્યાણી (પીઠીનું ગીત)
૩૨ પાવલાંની પાશેર (પીઠીનું ગીત)
૩૩ પીઠી ચોળો રે પીતરાણી (પીઠીનું ગીત)
૩૪ મોસાળાં આવિયાં (મોસાળું)
૩૫ લીલુડા વાંસની વાંસલડી (જાન પ્રસ્થાન)
૩૬ રાય કરમલડી રે (જાન પ્રસ્થાન)
૩૭ વીરા શકન જોઈ જોઈ ઘોડે ચડજો (જાન પ્રસ્થાન)
૩૮ શુકન જોઈ ને સંચરજો રે (જાન પ્રસ્થાન)
૩૯ સાઈકલની સીટી વાગી વરરાજા (વરરાજાની હઠ)
૪૦ ધીમી ધીમી મોટર હાંકો વરરાજા (જાનમાં ગવાતું ગીત)

૪૧ વરરાજે સીમડી ઘેરી માણારાજ (જાનમાં ગવાતું ગીત)
૪૨ વર તો પાન સરીખા પાતળા (જાનનું આગમન)
૪૩ બારે પધારો સોળે હો સુંદરી (વરરાજાનું સ્વાગત કરવા કન્યાને નિમંત્રણ)
૪૪ સીતાને તોરણ રામ પધાર્યાં (વરરાજાને પોંખતી વખતનું ગીત)
૪૫ હળવે હળવે પોંખજો (પોંખણા વખતે વરપક્ષે ગવાતું ફટાણું)
૪૬ દૂધે તે ભરી રે તળાવડી (માયરાનું ગીત)
૪૭ મારા નખના પરવાળા જેવી ચૂંદડી (કન્યાને ચૂંદડી ઓઢાડતી વખતે)
૪૮ કેસરિયો જાન લાવ્યો જાન લાવ્યો રે (માંડવાનું ગીત)
૪૯ નાણાવટી રે સાજન બેઠું માંડવે (માંડવાનું ગીત)
૫૦ વીરો મારો ઝગમગ ઝગમગ થાય (માંડવાનું ગીત)

૫૧ માયરામાં ચાલે મલપતા (કન્યાની પધરામણી)
૫૨ તમે કે’દુના કાલાવાલા કરતા’તાં (માંડવામાં ગાવાનું ફટાણું)
૫૩ ઘરમાં નો’તી ખાંડ (માંડવામાં ગાવાનું ફટાણું)
૫૪ રેલગાડી આવી (માંડવામાં ગાવાનું ફટાણું)
૫૫ મારી બેનીની વાત ન પૂછો (ફટાણું – ફિલ્મી સ્ટાઈલ)
૫૬ એકડો આવડ્યો (માંડવામાં ગાવાનું ફટાણું)
૫૭ અણવર લજામણો રે (માંડવામાં ગાવાનું ફટાણું)
૫૮ અણવર અવગતિયા (માંડવામાં ગાવાનું ફટાણું)
૫૯ ગોર લટપટિયા (માંડવામાં ગાવાનું ફટાણું)
૬૦ ઢોલ ઢમક્યાં ને (હસ્તમેળાપ સમયે વરપક્ષે ગવાતું ગીત)

૬૧ હાથ કન્યાનો હેતે ઝાલો (હસ્તમેળાપ સમયે કન્યાપક્ષે ગવાતું ગીત)
૬૨ પહેલું પહેલું મંગળિયું (ફેરા ફરતી વખતે ગવાતું ગીત)
૬૩ લાડો લાડી જમે રે કંસાર (કંસાર)
૬૪ આ વર-કન્યાનું સુંદર જોડું (આશીર્વાદ – કન્યાપક્ષે)
૬૫ પરણ્યાં એટલે પ્યારા લાડી (નવવધુને આવકાર)
૬૬ આલા તે લીલા વનની વાંસલડી (કન્યાપક્ષે વિદાય)
૬૭ આ દશ આ દશ પીપળો (કન્યાપક્ષે વિદાય)
૬૮ ચાલોને આપણે ઘેર રે (વિદાય પ્રસંગે વરપક્ષે ગવાતું ગીત)
૬૯ દાદાને આંગણ આંબલો (કન્યા પ્રયાણ)
૭૦ એક આવ્યો’તો પરદેશી પોપટો (વિદાય પ્રસંગે સાહેલીઓનું દુઃખ)
૭૧ લાલ મોટર આવી (નવવધુને રાજી રાખવાની કોશીશ)
૭૨ અમે ઈડરિયો ગઢ જીત્યાં (નવવધુનો ગૃહપ્રવેશ)