7129 Views
આજે વાંચો બાળકોનાં ઉખાણાં જેમા ખાસ બાળકો માટે પ્રાણી અને પક્ષીઓના અને શાકભાજીના કોયડા છે, જોડકણાં પ્રકારના હોવાથી બાળકોને પણ ખુબ જ મજા પડશે.
બાળકોનાં ઉખાણાં
રંગે એ તો કાળી છે,
બોલે મીઠુ મીઠુ ભાઈ
કાગડાની તો દુશ્મન એ
કુઉ..કુઉ..બોલે એ તો ભાઇ.
👉 કોયલ
એક પગે રામનામ જપે
જગ એને ઠગભગત કહે
નદી તળાવે માછલી પકડે
રંગે ધોળા એ છે ભાઇ.
નોંધ – ફોટામા આપેલ ઉખાણાં ના જવાબ માટે નીચે આપેલ વધુ ઉખાણાની લિંક ઉપર ક્લીક કરો.
👉 બગલો
ભલુ ને એ ભોળુ છે
શાંતિદુત બનતું એ તો ભાઇ,
ઘૂ…..ઘૂ….ઘૂ….કરતું એ,
સંદેશા વાહક બનતુ એ તો.
👉 કબૂતર
લુચ્ચો છે ને કાળો છે
કા..કા..કા..કા.. બોલીવાળો
એઠવાડ એ તો સાફ કરે
શ્રાદ્ધમાં એ હર ઘરે ફરે.
👉 કાગડો
પરોઢિયે એ તો બોલે છે,
સર્વેની નિદ્રા ભગાડે ભાઇ,
માથે એની કલગી સુંદર
કૂકડે કૂક એ બોલતો ભાઇ.
👉 કૂકડો
ગળે કાંઠલો કાળો છે
રંગે એ લીલો છે ભાઇ,
ચાંચ એની લાલ છે
મરચાં એ બહું ખાય છે ભાઇ.
👉 પોપટ
ટહુકતી એ આંબાડાળે
બચ્ચાં ઉછેરતી કાગના માળે,
કાળા રંગે બહું કામણગારી,
મીઠાં ગીત ગાતી અલગારી.
👉 કોયલ
મારે ટોડલે બેસે છે,
ટેહુક ટેહુક કરતો ભાઈ
ઠૂમક ઠૂમક કળા કરે
કલગીવાળો એ છે ભાઇ.
👉 મોર
કલબલ એ તો કરતી જાય
ઠૂમકા મારે એ તો ભાઈ
ચાલે એ તો ધીમી ચાલ
નાના પરીવારની એ જાત.
👉 કાબર
વાઘ કેરી હું છું માસી
ઘરના ખુણે રહેતી બેસી
ઉંદર જાય જો ઘરમાં પેસી
કરતી તેની ઐસી તૈસી
👉 બિલાડી
કાળો છું રે કાળો છું
કા….. કા…. કરતો ઉડું છું,
એક આંખે કાણો છુ
ને સફાઇનું કામ કરુ છું.
👉 કાગડો
હૂપ….હૂપ… કરતો હું આવ્યો
ડાળી મકાન કુદતો આવ્યો
મગન કાકાનો રોટલો લાવ્યો,
એ તો મને જરી ના ભાવ્યો.
👉 વાંદરો
મોતીયો, ડાઘીયો મારુ નામ
રહેઠાણ મારુ આખુ ગામ
રક્ષણ કરવું મારુ કામ
તોય માંગું ના એકે દામ.
👉 કૂતરો
હું તો કરતો ચૂં….ચૂં…ચૂં…
નામ છે મારુ શું…શું…શું…
ભાળી જાઉ બિલ્લી માસી
થઇ જાતો હું છું…છું…છું…
👉 ઉંદર
પોચું પોચું ધોળું ધોળું
આમ દોડુ તેમ દોડુ,
જો કોઇને આવતા ભાળુ
ચાર પગે દોટ કાઢું
👉 સસલું
ચાંપ દબાવો જગ ઢંઢોળે,
ઉંદર સંગે બારીઓ ખોલે,
તમે ભલે માનો ન માનો,
આવ્યો છે એનો જ જમાનો.
👉 કમ્પ્યુટર
એવી કઈ શાકભાજી છે
જેમાં તાળું અને ચાવી બંને આવે છે?
જવાબ – લોકી (દૂધી)
કોલસે સળગતી એને દીઠી,
ચોમાસે લાગે છે મીઠી,
એની છે અનેરી વાત,
દેખાવે લાગે તે દાંત.
👉 મકાઇ
નર બત્રીસ અને એક છે નારી,
જુઓ જગતમાં છે સૌની પ્યારી,
કહો કરીએ મનમાં પુરો વિચાર,
મરે પહેલા નર અને જીવે નાર.
👉 જીભ
હાથમાં એ તો લાગે નાનો,
પણ દુનિયાનો તે ખજાનો,
હોય પાસે તો વટ પડે,
વારંવાર ‘હલો’ તે કહે.
👉 મોબાઇલ
આંખ છે પણ આંધળી છું,
પગ છે પણ લંગડી છુ,
મોઢુ છે પણ મૌન છુ
બોલો, હું કોણ છું ?
👉 ઢીંગલી
નોંધ – ફોટામા આપેલ ઉખાણાં ના જવાબ માટે નીચે આપેલ વધુ ઉખાણાની લિંક ઉપર ક્લીક કરો.
30+ ગુજરાતી ઉખાણાં અને પહેલીયા । GUJARATI UKHANA WITH ANSWER RIDDLES IN GUJARATI
10 Gujarati Ukhana ગુજરાતી ઉખાણાં જવાબો સાથે
10 ગુજરાતી ઉખાણા – best gujarati ukhana Photo
ukhana gujarati, ગુજરાતી ઉખાણાં અને જવાબ, ukhana in gujarati, ગુજરાતી ઉખાણાં, જુના ઉખાણા, અટપટા ઉખાણા, મજેદાર ઉખાના, ગુજરાતી ઉખાણા જવાબ સાથે, ઉખાણાં ગુજરાતી pdf