Skip to content

ભેટે ઝૂલે છે તલવાર (તલવારનો વારસદાર) – મેઘાણી

    ભેટે ઝૂલે છે તલવાર
    439 Views

    ભેટે ઝૂલે છે તલવાર – ઝવેરચંદ મેઘાણીની સુંદર કવિતા વાંચો – તલવારનો વારસદાર, Talavarano Varasadar, Bhete zule chhe talavar viraji keri bhete zule re

    ભેટે ઝૂલે છે તલવાર

    ભેટે ઝૂલે છે તલવાર
    વીરાજી કેરી ભેટે ઝૂલે રે
    ભીંતે ઝૂલે છે તલવાર
    બાપુજી કેરી ભીંતે ઝૂલે છે

    મારા બાપુને બહેન બે બે કુંવરિયા
    બે વચ્ચે પાડ્યા છે ભાગ
    હાં રે બેની બે વચ્ચે પાડ્યા છે ભાગ
    વીરાજી કેરી ભેટે ઝૂલે રે

    મોટે માગી છે મો’લ મ્હેલાતો વાડિયો
    નાને માગી છે તલવાર
    મોટો મહાલે છે મો’લ મેડીની સાયબી
    નાનો ખેલે છે શિકાર

    મોટો ચડિયો છે કંઈ હાથી અંબાડિયે
    નાનેરો ઘોડે અસવાર
    મોટો કઢે છે રોજ કાવા કસૂંબલા
    નાનેરો ઘૂમે ઘમસાણ

    મોટો પોઢે છે લાલ રંગીલે ઢોલિયે
    નાનો ડુંગરડાની ધાર
    મોટો મઢાવે વેઢ વીંટી ને હારલાં
    નાનો સજાવે તલવાર

    મોટાને સોહે હીર-જરિયાની આંગડી
    નાનાને ગેંડાની ઢાલ
    મોટો સંતાય સુણી શત્રુના રીડિયા
    નાનેરો દ્યે છે પડકાર

    મોટો ભાગ્યો છે સેન શત્રુનાં ભાળતાં
    નાનેરો ઝીંકે છે ઘાવ
    મોટો જીવ્યો છે પાય શત્રુના પૂજતો
    નાનેરો સૂતો સંગ્રામ

    મોટે રે માડી તારી કુખો લજાવી
    નાને ઉજાળ્યા અવતાર
    મોટાના મોત ચાર ડાઘુએ જાણિયાં
    નાનાની ખાંભી પૂજાય

    ભેટે ઝૂલે છે તલવાર
    વીરાજી કેરી ભેટે ઝૂલે રે
    ભીંતે ઝૂલે છે તલવાર
    બાપુજી કેરી ભીંતે ઝૂલે છે

    – ઝવેરચંદ મેઘાણી

    પાંચ વરસની પાંદડી – કવિતા

    🌺 વારતા રે વારતા ભાભા ઢોર ચારતા – varta re varta

    🌺 ચોકમાં દાણા નાખ્યા છે. – chok ma dana nakhya chhe

    🌺 મે એક બિલાડી પાળી છે – me ek biladi pali chhe

    ભેટે ઝૂલે છે તલવાર
    ભેટે ઝૂલે છે તલવાર

    Talavarano Varasadar

    Bhete zule chhe talavar viraji keri bhete zule re
    Bhinte zule chhe talavar bapuji keri bhinte zule chhe

    Mar bapune bahen be be kunvariya
    be vachche padya chhe bhaga
    Han re beni be vachche padya chhe bhag
    viraji keri bhete zule re

    Mote magi chhe mo’l mhelato vadiyo
    nane magi chhe talavara
    Moto mahale chhe mo’l medini sayabi
    nano khele chhe shikara

    Moto chadiyo chhe kani hathi anbadiye
    nanero ghode asavara
    Moto kadhe chhe roj kav kasunbal
    nanero ghume ghamasana

    Moto podhe chhe lal rangile dholiye
    nano dungaradani dhara
    Moto madhave vedh vinti ne haralan
    nano sajave talavara

    Motane sohe hira-jariyani angadi
    nanane gendani dhala
    Moto santaya suni shatrun ridiya
    nanero dye chhe padakara

    Moto bhagyo chhe sen shatrunan bhalatan
    nanero zinke chhe ghava
    Moto jivyo chhe paya shatrun pujato
    nanero suto sangrama

    Mote re madi tari kukho lajavi
    nane ujalya avatara
    Motan mot char daghue janiyan
    nanani khanbhi pujaya

    Bhete zule chhe talavar viraji keri bhete zule re
    Bhinte zule chhe talavar bapuji keri bhinte zule chhe

    • zaverachanda meghani

    Leave a Reply

    Your email address will not be published. Required fields are marked *